سکندر رضا ‘ ڈیوڈ ویزا ‘فخر زمان کی حارث رئوف کو نکاح کی مبارکباد 

 لاہور (سپورٹس رپورٹر)زمبابوے کے کرکٹر سکندر رضا اور نمیبیا اور لاہور قلندرز کی نمائندگی کرنے والے ڈیوڈ ویزا نیحارث رف کے نکاح کی مبارکباد پیش کی اور کہا کہ ہیری، نکاح کی مبارک ہو، آپ کی اور آپ کی اہلیہ کیلئے نیک خواہشات کا اظہار کرتا ہوں، خدا آپ دونوں کو خوشیوں بھری زندگی عطا کرے۔ سکندر رضا نے مبارکباد دی اور پیغام میں کہا کہ حارث آپ کو زندگی کی دوسری طرف خوش آمدید، امید کرتا ہوں یہ نئی زندگی بھی اتنی کامیاب رہے گی جتنا کیریئر کامیاب رہا۔دعا کرتا ہوں، یہ نئی زندگی آپ کیلئے ڈھیروں خوشیاں لائے، میری اور میری فیملی کی آپ کیلئے بہت سی دعائیں ہیں۔ فخر زمان نے حارث رئوف کو نکاح کی مبارکباد دیتے ہوئے مشورہ دیا کہ بس جیسے ہو ویسے ہی رہنا اور بھابھی کے سامنے زیادہ بڑی بڑی نہیں مارنا ۔ آپ بہت برے طریقے سے پھنس گئے ہو، بس میری دعا ہے کہ اللہ آپ کیلئے آسانیاں پیدا کرے اور اگلی جتنی بھی زندگی ہے اللہ آپ کو ہمت دے کہ آپ سہہ سکو۔ میں تو شادی شدہ ہوں، آپ کو اپنا تجربہ ہی بتا سکتا ہوں، تو میری نیک تمنائیں آپ اور بھابھی کیساتھ ہیں، اپنا بہت سارا خیال رکھنا۔فخر زمان نے حارث روف سے نکاح کی تقریب میں شرکت نہ کرنے پر معذرت کی اور کہا کہ آپ کو پتا ہے میں نے کہاں جانا تھا آج، میری بہت ساری دعائیں آپ کیساتھ ہیں۔