لاہور(خصوصی نامہ نگار) سجادہ نشین حضرت میراں حسین شاہ زنجانی ؒ و حضرت یعقوب حسین شاہ  زنجانی المعروف شاہ صدردیوان سید ادریس شاہ زنجانی نے کہا کہ حضرت خالدبن ولیدؓ بہادری، جرات اور جنگی حکمت عملی میں اپنی مثال آپ تھے۔آپ ؓنے کفار کیخلاف جنگوں میں اپنے سے کئی گنا بڑے لشکروں کا شکست فاش دی۔آپؓفرمایا کرتے تھے مجھے فتح میری ٹوپی میں رکھے حضور ؐمبارک بالوں کی برکت سے نصیب ہوتی ہے۔ان خیالات کا اظہار انہوں نے مسلمانوں کے عظیم سپہ سالار، اللہ کی تلوار حضرت خالد بن ولیدؓ کے یوم وفات کے حوالے سے جامع مسجد شاہ زنجان میں اجتماع سے خطاب کرتے ہوئے کیا۔پیر سید ادریس شاہ زنجانی کا کہنا تھا کہ اللہ اور اس کے رسول ؐ کے بتائے راستے کے مطابق اپنی زندگیوں کو گزارنے کی کوشش کرنی چاہئے۔ہمیں چاہئے کہ نماز کی پابندی کریں،مخلوق خدا پر رحم کریں، دھوکے، فریب، بے ایمانی سے بچیں،کسی کی حق تلفی ناکریں۔