خیرپور(بیورورپورٹ)خیرپور کے قریب روڈ حادثہ.موٹرسائیکل سوار جاںبحق. ساتھی زخمی ہسپتال منتقل.موٹر سائیکل کو ٹکر مارنے والی مسافر وین پولیس کی تحویل میں ڈرائیور فرار. پولیس کے مطابق خیرپور کے علاقہ جانی برڑا کے قریب نیشنل ہائی وے پر سکھر سے ٹھری میرواہ جانے والی مسافر وین تیز رفتاری کے باعث رانی پور سے خیرپور آنے والی موٹر سائیکل کو ٹکر ماری جس کے نتیجے میں موٹر سائیکل سوار نوجوان تنویر گھانگرو زخموں کی تاب نہ لاتے ہوئے موقع پر دم توڑ گیا جب کہ ساتھی احسان علی زخمی ہوگیا پولیس نے زخمی اور نعش خیرپور سول ہسپتال منتقل کیا ، اورقانونی کاروائی کے بعد نعش ورثاء  کے حوالے کرد ی  جب کہ مسافر وین کا ڈرائیور جائے حادثہ سے فرار ہونے میں کامیاب ہوگیا پولیس نے مسافر وین کو تحویل میں لے لی تھی واقعے کامقدمہ درج نہیں ہوا تھا.حادثہ تیز رفتاری کے باعث پیش آیا تھا۔