لاڑکانہ(بیورو رپورٹ)  لاڑکانہ پولیس نے جرائم پیشہ افراد کے خلاف کاروائیاں کرتے ہوئے مختلف مقدمات میں مطلوب، سرگرم اور منشیات فروش سمیت 7 ملزمان کو گرفتار کرکے  اسلحہ،  چوری شدہ موٹرسائیکلیں، موبائل فون، نقدی اور چوری شدہ سامان برآمد کرلیا، تفصیلات کے مطابق رتوڈیرو پولیس نے دوران چیکنگ سرگرم ملزم مسکین شاہ کو بغیر لائسنس پسٹل اور گولیوں سمیت، سی آئی اے پولیس نے تھانہ شہید عبدالمالک بھٹو کے حدود میں  مخفی اطلاع پر  جوا کے اڈے پر کاروائی کرتے ہوئے چار جواریوں اسداللہ، دربان، ریاض اور شاہنواز کو نقدی اور جوا کے چھکوں سمیت اور دو سرگرم ملزمان تنویر اور روحل مسیع کو چوری شدہ سامان سمیت گرفتار کرلیا۔ دوسری جانب سچل پولیس نے شہری حسن علی چانڈیو کی چوری شدہ موٹرسائیکل، ڈوکری پولیس نے شہری اسرار علی گھانگھرو کی چوری شدہ موٹر سائیکل اور حیدری پولیس نے شہری عارف حسین بھٹو کی چوری شدہ موبائل فون برآمد کرلی ہے، پولیس کے مطابق گرفتار تمام ملزمان کے خلاف مقدمات درج کرکے تفتیش شروع کردی گئی ہے۔