تمام اقلیتیں ملک و ملت کی یکساں خدمت کر رہی ہیں، نوشین اسرار  

راولپنڈی (اپنے سٹاف رپورٹر سے)اے ڈی سی جی نوشین اسرار نے کہا ہے کہ کرسمس اور یوم قائد اعظم کے موقع پر ضلع میں امن و امان برقرار رکھنے کیلئے غیر معمولی اقدامات کئے گئے ہیں تاکہ شہریوں کے جان و مال کے تحفظ کو یقینی بنایا جا سکے ان خیالات کا اظہار انہوں نے یوم قائد اور کرسمس کے حوالے سے اجلاس کی صدارت کرتے ہوئے کیا اجلاس میں پولیس،صحت، ریسکیو 1122، سول ڈیفنس، اور دیگر محکموں کے افسران نے شرکت کی انہوں نے کہا  ملک و ملت کی خدمت و ترقی کیلئے پاکستان کی تمام اقلیتیں یکساں کردار ادا کررہی ہیں اور ان کی خوشیوں میں شرکت ہمارا قومی فرض ہے تاکہ اس امر کا اظہار کیا جا سکے کہ ہم سب بطور پاکستانی قوم متحد ہیں انہوں نے کہا کہ تمام پاکستانی اپنی خوشیاں مل کر مناتے ہیں جو کہ بین المذاھب ہم آہنگی، اتحاد و اتفاق اور بھائی چارے کی واضح مثال ہے اجلاس کو بتایا گیا کہ ضلع بھر کے گرجا گھروں میں فول پروف سکیورٹی کو یقینی بنایا جائے گاپولیس ہائی الرٹ رہے گی اور گرجا گھروں میں سی سی ٹی وی کیمرے نصب کر دیئے گئے ۔