حافظ آباد(نمائندہ نوائے وقت+نمائندہ خصوصی) مدرسہ اشرفیہ قرآنیہ ونیکے روڈ میں بزرگ عالم دین مولانا محمد الطاف اور اورحافظ عبدالعزیز کے تعزیتی ریفرنس سے خطاب کرتے ہوئے ضلعی امیر اتحادالعلماء مولانا عبدالحنان صدیقی، علامہ احمد سعید اعوان، مفتی محمد طیب، قار ی ارشد محمود،مولانا عابدالرحمن وٹو، مولانا نصراﷲ، مولانا عبدالولی، مولانا سیف اﷲخالد، مولانا جواد قاسمی اور حافظ اﷲدتہ ساجد نے کہا اﷲاوراسکے پیارے رسول ؐنے جوتعلیمات ہمیں دی تھیں انہیں فراموش کرکے ہم آج دنیا بھر میں خوار ہورہے ہیں۔وقت کا تقاضا ہے ہم قرآنی تعلیمات سے اپنے سینوںکو روشن کریں تاکہ دنیا و آخرت میں کامیاب ہوسکیں۔