کوہاٹ روڈ کے قریب رنگ روڈ پردہشت گردوں نے المجاہد ٹرمینل پرراکٹ لانچروں سے حملہ کردیا جس کے نتیجے میں تین افراد جاں بحق اوردرجن سے زائد نیٹو کو تیل اورسامان سپلائی کرنے والے ٹینکرز اور کنٹینرز میں آگ بھڑک اٹھی ۔ واقعہ کے بعد علاقے کی بجلی منقطع ہوگئی اورلوگوں میں خوف وہراس پھیل گیا۔ پولیس اور ملزمان میں فائرنگ کا تبادلہ بھی ہوا تاہم ملزمان موقع سے فرار ہوگئے جبکہ سکیورٹی فورسزنے علاقے کو گھیرے میں لے کر ملزموں کی تلاش شروع کردی ہے، دوسری جانب فائربریگیڈ کا عملہ آگ بجھانے میں مصروف ہے ۔