دبئی: عمران اور ریحام سے وینا ملک، اسد خٹک کی ملاقات، شوکت خانم ہسپتال پشاور کیلئے امدادی چیک دیا

دبئی (نوائے وقت رپورٹ) چیئرمین تحریک انصاف عمران خان اپنی اہلیہ ریحام خان کے ساتھ دبئی پہنچ گئے۔ عمران خان اور وزیراعلیٰ پرویز خٹک خیبر پی کے انوسٹمنٹ روڈ شو میں آج شرکت کریں گے۔ دریں اثناء دبئی میں اداکارہ وینا ملک اور انکے شوہر اسد خٹک نے عمران خان اور ریحام خان سے ملاقات کی اور شوکت خانم ہسپتال پشاور کیلئے امدادی چیک عمران خان کو دیا۔ عمران خان اور ریحام خان نے وینا ملک اور اسد خٹک کے ساتھ ڈنر کیا۔