یونیورسٹی آف ویٹرنری کی ادبی انجمن قرطاس کے زیراہتمام کل پاکستان بین الکلیاتی مشاعرہ

لاہور (لیڈی رپورٹر) یونیورسٹی آف ویٹرنری اینڈ اینیمل سائنسز لاہور کی ادبی انجمن قرطاس کے زیراہتمام گزشتہ روز کل پاکستان بین الکلیاتی مشاعرہ منعقد ہوا۔ جس میں پاکستان کی مختلف گورنمنٹ اور پرائیویٹ یونیورسٹیوں کے طلبا و طالبات کی بڑی تعداد نے حصہ لیا۔ نظم میں حارث بلال نے پہلی، محمد علی طاہر نے دوسری، اُسامہ علی نے تیسری پوزیشن حا صل کی۔ غزل کے مقابلے میں عمر میر نے پہلی، موسیٰ کاظم نے دوسری، طلحہ طلال نے تیسری پوزیشن حاصل کی۔ بیت بازی کے مقابلے میں یونیورسٹی آف گجرات نے پہلی پوزیشن جبکہ یونیورسٹی آف سرگودھا نے دوسری پوزیشن حاصل کی۔