طیب گیلانی ایشین بیلٹ ریسلنگ ایلش فیڈریشن کے ٹیکنیکل ڈائریکٹر مقرر

لاہور(سپورٹس رپورٹر/ نمائندہ سپورٹس )  کبڈی کے عالمی مبصر محمد طیب گیلانی کو ایشین بیلٹ ریسلنگ ایلش فیڈریشن کا ٹیکنیکل ڈائریکٹر مقرر کر دیا گیا جبکہ ایران کے عیسیٰ مومنی فیڈریشن کے صدر اور بھارت کے عمر مختار سیکرٹری جنرل مقرر کر دیئے گئے ہیں۔ فیڈریشن کے ترجمان نے بتایاکہ اس سلسلہ میں گزشتہ روز ایک اہم اجلاس ایران کے دارالحکومت تہران میں منعقد ہوا جس میں دنیا بھر سے کبڈی کے نامور کھلاڑیوں، آفیشلز اور انتظامی سربراہان نے شرکت کی۔ انہو ں نے بتایا کہ ٹیکنیکل ڈائریکٹر کے طور پر محمد طیب گیلانی کا انتخاب پاکستان کیلئے ایک اعزاز ہے جس کے باعث اب پاکستان، ایران ، بھارت، افغانستان اور دیگر ہمسایہ ممالک سمیت دنیا بھر میںکبڈی و ریسلنگ کے کھیل کو فروغ حاصل ہو گا۔