کوالاالمپور (آن لائن+ رائٹرز) ملائیشیا کا کہنا ہے کہ شمالی کوریا کے سربراہ کم جونگ ان کے سوتیلے بھائی کم جونگ نام کو اعصاب شکن زہریلے مادے وی ایکس نرو ایجنٹ کے ذریعے ہلاک کیا گیا۔کم جونگ نام گذشتہ ہفتے اس وقت ہلاک ہو گئے تھے جب دو خواتین نے کوالالمپور کے ہوائی اڈے پر حملہ کر کے ان کے چہرے پر زہریلا مواد پھینک دیا تھا۔ ایک خاتون خود بھی زہریلے مادے سے معمولی متاثر ہوئی تھی۔
زہر کی نوعیت معلوم کرنے کے لئے کی جانے والی رپورٹ میں کہا گیا ہے کہ کم جونگ نام کے چہرے پر پھینکے جانے والا کیمیکل وی ایکس نرو ایجنٹ ہے جسے اقوام متحد بڑے پیمانے پر تباہی پھیلانے والے ہتھیاروں کے زمرے میں شمار کرتی ہے۔ ادھر شمالی کوریا نے کم جونگ نام کی نعش کا پوسٹ مارٹم کے اصرار کرنے پر ملائیشیا پر مذموم مقاصد کا الزام عائد کیا ہے۔
ملائیشیا
