فیروزوالا+ جڑانوالہ + شاہکوٹ (نامہ نگاران + نمائندہ نوائے وقت) کوٹ عبدالمالک میں جعلی عامل نے لڑکی سے مبینہ زیادتی کر ڈالی۔ شہریوں نے جعلی عامل کو پکڑ کر خوب درگت بنا کر پولیس کے حوالے کر دیا۔ جعلی پیر افتخار کے مطابق خاتون کے گھر میں وسیبوں کا سایہ تھا۔ جعلی عامل نے خاتون کو انڈے اور مسور کی دال لینے بھیج دیا اور جعلی پیر نے دم کرنے کے بہانے خاتون کی 20 سالہ لڑکی سے زیادتی کر ڈالی۔ لڑکی کے شور پر اہل علاقہ نے جعلی پیر کو پکڑ کر خوب چھترول کے بعد پولیس کے حوالے کر دیا۔ جعلی عامل کو پکڑنے آئی پولیس گاڑی کو چلانے کے لئے شہری دھکا لگاتے رہے۔ پولیس کے مطابق جعلی عامل کی جیب سے تعویذ اور تسبیح برآمد ہوئی ہے۔ تھانہ فیکٹری ایریا پولیس نے واقعہ کا مقدمہ درج کرلیا۔ تھانہ صدر جڑانوالہ کے نواحی گائوں چک نمبر 93 گ ب کے دیہاتی کا 7 سالہ بیٹا گلی میں کھیل رہا تھا کہ دیہہ ہذا کا اوباش زوہیب اسے ورغلا کر قریبی کھیتوں میں لے گیا اور ہوس کا نشانہ بنا ڈالا۔ بچے کی چیخ و پکار و حالت غیر ہونے پر اسے چھوڑ کرفرارہو گیا۔ شاہ کوٹ پانچ اوباش نے لڑکے کو زبردستی شراب پلا کرمبینہ اجتماعی زیادتی کا نشانہ بنا ڈالا اور حالت غیر ہونے پر قریبی کھیتوں میں بے ہوشی کی حالت میں پھینک کر فرار ہوگئے جہاں ریسکیو امدادی ٹیم نے اسے مقامی ٹی ایچ کیو ہسپتال پہنچایا جہاں ڈاکٹرز نے اسے انتہائی تشویشناک حالت کے پیش نظر الائیڈ ہسپتال فیصل آباد منتقل کر دیا۔ پولیس کو دی گئی درخواست میں زیادتی کا شکار ہونیوالے لڑکی کی والدہ نے موقف اختیار کیاکہ سوما مسیح ندیم دیمی اورنگزیب کاشف اور دادوجٹ میرے گھر پر آئے اور بہانے سے میرے بیٹے کو نامعلوم مقام پر لے گئے۔