ضلع تور غر میں مسافر جیب گہری کھائی میں گرنے سے تین افراد جاں بحق جبکہ سات مسافر شدید زخمی ہو گئے۔ تور غر پولیس کے مطابق مسافر جیب شنگلدار بانڈہ سے تھاکوٹ جا رہی تھی کہ بریک فیل ہونے کے باعث ڈرائیور سے بے قابو ہوکر گہری کھائی میں جا گری جسکے نتیجے میں دو بچوں اور ایک خاتون سمیت تین افراد جاںبحق سات مسافر شدید زخمی ہوگئے۔ جاں بحق ہونے والے تینوں افراد کی لاشیں نکال کر ورثاءکے حوالے کردی گیئں جبکہ زخمیوں کو مقامی ہسپتال دوڑ میرا کے مقام پر طبی امداد کے لئے منتقل کر دیا گیا۔