حافظ آباد:13سالہ بچے کو اغوا کرنے کی کوشش کرنے پر2 ملزموں کیخلاف مقدمہ 

حافظ آباد(نمائندہ نوائے وقت) تھانہ سٹی پولیس نے 13سالہ بچے کو مبینہ طور پر جنسی تشددکی نیت سے اغواء کرنے کی کوشش کرنے پر دو ملزمان کے خلاف مقدمہ درج کرلیا۔ بھورے والا گلی کے رہائشی قلب عباس نے مقدمہ درج کرواتے ہوئے الزام عائد کیا کہ اسکا 13سالہ بھتیجا عابد سوداسلف لینے کے لئے جارہا تھا کہ راستہ میں دو ملزمان اسامہ کاکااورشقم نے اسلحہ کے زور پر بچے کوجنسی تشدد کی نیت سے روک کر اغواء کرنے کی کوشش کی جس پر اس نے شور مچادیا تو ملزمان فرار ہوگئے۔