کراچی کنگز کے کھلاڑی بائیوسیکیور ببل میں لڈو‘چیس‘کیرم بورڈ کھیلنے لگے 

لاہور(نمائندہ سپورٹس )دفاعی چیمپئن کراچی کنگز نے بائیو سیکیورببل میںبوریت سے بچانے کیلئے اہم قدم اٹھایا ہے۔ کنگز کیفے میں کھلاڑیوں کیلئے ویڈیو گیمز، لوڈو، چیس، کیرم بورڈ اور دوسرے گیم موجود ہیں، جہاں کھلاڑیوں کیساتھ ساتھ ٹیم انتظامیہ بھی ان کھیلوں سے لطف اندوز ہورہی ہے۔دفاعی چیمپئن کراچی کنگز کے کوچ کیرم بورڈ کے دلدادہ نکلے، ویڈیو میں وہ سوئنگ کے سلطان وسیم اکرم کیساتھ گیم کھیلنے میں مصروف دکھائی دئیے، کھلاڑیوں نے بائیو سیکورببل میں ٹیم مینجمنٹ کی جانب سے کئے جانے والے انتظامات کو بہترین قرار دیتے ہوئے کہا کہ کھلاڑیوں کو فٹ رکھنے کیلئے یہ بہت اچھا اقدام ہے۔