ویزا ایوری ویئر انیشیٹیو کے ایڈیشن 2021 کا اعلان

کراچی(کامرس رپورٹر)Visa  نے جدت طرازی کے عالمی پروگرام اور فن ٹیک کے لیے مقابلہ  ایوری ویئر انیشیٹیو  کے ایڈیشن 2021 کا اعلان کیا ہے۔اس سال توجہ توسیع اور رسائی پر ہے،اس کے ساتھ  Visa گلوبل ویب سائیٹ کے ذریعے رجسٹر کرانے اور مستقبل کے مواقع اور مقابلوں کے بارے میں سیکھنے کے لیے ون اسٹاپ تجربہ کی پیشکش کر رہا ہے ۔ پاکستان سے تمام درخواست گزاروں کو پہلےCEMEA اسٹیج پر 25,000 ڈالر کا مشترکہ انعام جیتنے اور پھر 100,000 ڈالر کے مشترکہ انعام کے لیے عالمی اسٹیج پر مقابلہ کرنے اور اپنی کمپنیوں کی کہانیاں سنانے کی دعوت دی جاتی ہے۔ کنٹری مینجر ویزا پاکستان کامل خان نے کہا کہ" پوری دنیا میں ایسی کمپنیوں کی مدد کرنا Visa کی اہم ترجیح ہے جو ایسے سلوشنز وضع کر رہی ہیں جو ہر جگہ کسی خلل سے پاک  منی موومنٹ کوآگے بڑھاتے ہیں۔ہم فِن ٹیکس کو  جدت طرازی کی ایسی فورس مانتے ہیں جو ہمارے بزنس کے لیے بنیادی حیثیت رکھتی ہے اور ویزا ایوری ویئر انیشیٹیو میں درخواست دینے کے لیے ہر ایک کی حوصلہ افزائی کرتی ہے۔میں اس سال پاکستان سے متعدد ذہین افراد کے شامل ہونے کے لیے پر امید ہوں"