پاکستان کا دورہ چیلنجنگ ہوگا، آسٹریلوی  پلئیر ٹریوس ہیڈ

 سڈنی (این این آئی)آسٹریلوی کھلاڑی ٹریوس ہیڈ نے کہا ہے کہ پاکستان کا دورہ چیلنجنگ ہوگا جہاں مختلف کراؤڈ اور کنڈیشن ہوں گی، یہ بتانا مشکل ہوگا کہ پاکستان میں کن کنڈیشنر کا سامنا کرنے کو ملے گا۔ایک انٹرویومیں انہوں نے کہا کہ سیکیورٹی سے متعلق پاکستان میں اچھے انتظامات کیے گئے ہیں، کراؤڈ کا معلوم نہیں لیکن پاکستان میں ہم محفوظ ہاتھوں میں ہوں گے۔یاد رہے کہ آسٹریلیا کی کرکٹ ٹیم 24 سال بعد پاکستان کا دورہ کرے گی، پاک آسٹریلیا سیریز میں تین ٹیسٹ، تین ون ڈے انٹرنیشنل اور واحد ٹی ٹوئنٹی انٹرنیشنل میچز شامل ہیں۔