کوٹ ادو( خبر نگار)  پرانی رنجش پر بھائی کوشدید زخمی کرکے ملزم فرار ہو گیا، آرامشین ،بجلی کا میٹر و دیگر سامان،بھانہ سے بکری چوری کر لی گئی ۔ چک نمبر507 ٹی ڈی اے میں اللہ رکھا گجر کے دو بیٹوں محمد نعیم گجر اور علیم گجر کے درمیان لڑائی چلی آ رہی تھی ، گزشتہ روز نعیم گجر والد کو چائے دینے کے لئے آیا تو وہاں پر کھڑے علیم گجر نے اسے گالیاں دیں جواب دینے پر ڈنڈوں سوٹوں سے نعیم گجر کو لہولہان کر کے فرار ہو گیا، نوائی محلہ قاضیاں والہ کے رہائشی محمد فاروق لوہار کی آرا مشین سے نامعلوم چور آرا مشین بجلی کا میٹر تار اور موٹر مالیتی 2 لاکھ چوری کرکے لے گئے جبکہ غلام شبیر ہنجرکے بھانہسے نامعلوم چور بکری مالیتی 50ہزار چوری کرکے لے گئے، پولیس نے مقدمات درج کر لئے۔