شیخوپورہ کے عوام کا دل ذوالفقار علی بھٹو کیلئے دھڑکتا ہے:منیر قمرواہگہ 

شیخوپورہ(نمائندہ خصوصی) پیپلز پارٹی کے ضلعی نائب صدر چودھری منیر قمرواہگہ نے کہا ہے کہ حکمران وہ سب کچھ کر رہے ہیں جس کا الیکشن سے قبل بار بار ذکر کرکے دیگرجماعتوں پر تنقید کرتے رہے بجلی،گیس اور پٹرول سمیت دیگر مصنوعات کی قیمتوں کے حوالے سے پی ٹی آئی نے ہمیشہ تنقید کی مگر اب برسر اقتدار آکر ملکی تاریخ کی بدترین مہنگائی کردی ہے جس سے عوام کی چیخیں نکل گئی ہیں موجودہ حکومت نے ایک کروڑ نوکری پچاس لاکھ گھر بنانے کی دعوے کیئے لیکن عملی اقدامات کہیں دکھائی نہیں دے رہے جو حکمرانوں کی نااہلی کا کھلا ثبوت ہے۔ شیخوپورہ پیپلز پارٹی کا گڑھ ہے یہاں کے عوام کا دل ذوالفقار علی بھٹو کیلئے دھڑکتا ہے ان خیالات کااظہارانہوںنے کراچی روانگی سے قبل چودھری خالق عزیز ورک کے ڈیرہ پر میڈیا سے گفتگو کرتے کیا اس موقع پر کاشف گیلانی ،شیخ اسد الرحمن، لیاقت علی گجر،ذوالفقار جھپی ،مرزا فہیم بیگ سمیت دیگربھی موجودتھے چودھری منیر قمر واہگہ نے کہاکہ شہید بینظیر بھٹو کا نام عوام کے دلوں سے نکالا نہیں جاسکتا، حکمرانوں نے عوام کی مشکلات میں اضافہ کرنے میں کوئی کسر نہ چھوڑی ہے۔