دینہ (نامہ نگار) دینہ کے قریب جی ٹی روڈ پر تیز رفتار مو ٹر سائیکل پھسلنے کے باعث3 نو جوان جاں بحق ہوگئے۔ دینہ کے قریب جی ٹی روڈ چک اکا کے مقام پر تیز رفتار موٹر سائیکل بے قابو ہو کر جی ٹی روڈ پر پھسلن کے باعث اُلٹ گیا، جس سے مو ٹر سائیکل پر سوار 3 نوجوان موقع پر ہی جاں بحق ہو گئے، حادثہ میں جاں بحق ہونے والے احمد رضوان ولد محمد رضوان عمر 20سال سکنہ چک دادو، علی خان ولد محمد خان عمر 19 سال سکنہ خانہ بو کی اورسمیع ولد عمران عمر 20 سال سکنہ چک دادو مو قع پر ہی جاں بحق ہو گئے، حاد ثہ میں جاں بحق ہونے والے تینوں ایک ہی موٹر سائیکل پر سوار کالج جا رہے تھے۔، اطلاع ملتے ہی ریسکیو 1122 مو قع پر پہنچ گئی اور جاں بحق ہونے والے تینوں نوجوانوں کو ہسپتال منتقل کیا، نوجوانوں کی ہلاکت پر گھر کے اہل خانہ کو اطلاع ملتے ہی کہرام مچ گیا۔
دینہ ٹریفک حادثہ