لاہور (سٹاف رپورٹر) گورنمنٹ کالج یونیورسٹی لاہور میں کامیاب جوان سپورٹس اور ٹیلنٹ ہنٹ ڈرائیو کے زیراہتمام آل پاکستان انٹر یونیورسٹی جمناسٹک چیمپئن شپ کا آغاز ہوگیا۔ پنجاب یونیورسٹی، یونیورسٹی آف ویٹرنری اینڈ اینیمل سائنسز، یونیورسٹی آف سنٹرل پنجاب، یونیورسٹی آف بہاولپور اور لاہور گیریژن یونیورسٹی سمیت پاکستان کی مختلف پرائیویٹ اور پبلک سیکٹر یونیورسٹیوں کے طلباء کی بڑی تعداد حصہ لے رہی ہے۔  افتتاحی تقریب کے مہمان خصوصی وائس چانسلر پروفیسر ڈاکٹر اصغر زیدی تھے جہاں انہوں نے مختلف یونیورسٹیوں کے کھلاڑیوں سے ملاقات کی اور ان کی محنت اور نظم و ضبط کو سراہا۔