لاہور (سپورٹس رپورٹر) جناح پولو فیلڈز کے زیراہتمام دوسرے پریذیڈنٹ آف پاکستان پولو کپ کے چوتھے دن دو اہم میچز کھیلے گئے جن میں ڈائمنڈ پینٹس اور ایف جی پولو کی ٹیمیں فاتح رہیں۔ پہلے میچ میں ڈائمنڈ پینٹس کی ٹیم نے ماسٹر پینٹس کی ٹیم کو 8-7.5 سے ہرا دیا۔ ڈائمنڈ پینٹس کی طرف سے میر حذیفہ احمد نے تین گول کیے۔دوسرے میچ میں ایف جی پولو نے ڈی ایس پولو کی ٹیم کو 9-6 سے ہرا دیا۔ ایف جی پولو کی طرف  سے میاں عباس مختار اور راول لیپ لا سیٹ نے چار چار گول کئے۔ کل دوپہر کو دو اہم میچز کھیلے جائیں گے۔