اہل بیتؓ وصحابہؓ کی محبت ہر مسلمان کے ایمان کا حصہ ہے:حافظ مسعود عالم 

لاہور (خصوصی نامہ نگار) اہل بیتؓوصحابہؓ کی محبت ہر مسلمان کے ایمان کا حصہ ہے۔ نبی کے ساتھیوں سے بغض رکھنے والا مومن نہیں ہو سکتا۔ علماء اسلام کی تبلیغ کو لوگوں تک پہنچانے کیلئے محنت کریں۔ یہ بات شیخ الحدیث حافظ مسعود عالم نے جامعہ القدس چوک دالگراں میں گزشتہ روز اجتماع سے خطاب کرتے ہوئے کہی۔ اہل بیتؓ اور صحابہؓ ہمارے ایمان کا حصہ ہیں ان سے بعض وعناد رکھنے والا مومن نہیں ہو سکتا۔ یہ ہمارے نبیؐ کے اولین ساتھی اور خاندان ہے جنہوں نے اسلام کی دعوت وتبلیغ کیلئے اپنی زندگیاں وقف اور قربان کر کے دعوت اسلام کو دنیا بھر میں پھیلایا اور لوگوں مسلمان بنایا آج ہم اس دعوت کو چھوڑ کر فرقوں اور گروہوں میں تقسیم ہو چکے ہیں۔