لاہور(خصوصی نامہ نگار) نائب ناظم اعلیٰ تحریک منہاج القرآن علامہ رانا محمد ادریس نے کہا ہے کہ شعبان المعظم برکتوں اور سعادتوں کا مجموعہ ہے۔ ماہ شعبان حضور اکرمؐ کا محبوب ترین مہینہ ہے۔ شعبان بخشش اور مغفرت کا مہینہ ہے۔ شعبان کا مہینہ نفرت ختم کرنے، معافی، نرمی اور محبتیں تقسیم کرنے کا مہینہ ہے۔ اس مہینے میں ہمیں لوگوں کو معاف کرنا چاہیے۔ ایک دوسرے کی خطائیں معاف کرنے سے اللہ تعالیٰ ہمیں معاف کرے گا۔ اخوت، محبت، رواداری اور صبر و برداشت اسلام کے اہم ستون ہیں۔