لاہور ( لیڈی رپورٹر) لاہور کالج برائے خواتین یونیورسٹی میں شعبہ باٹنی کے زیر اہتمام آٹھواں فلورل آرٹ کمپٹیشن منعقد ہوا۔ مقابلوں میں لاہور کی مختلف یونیورسٹیز کی طالبات نے اپنے فن پاروں کی نمائش کی۔اس موقع پرفلورل آرٹ پر مبنی ویڈیو ڈاکومنٹری بھی دکھائی گئی۔ تقریب کی مہمان خصوصی وائس چانسلرپروفیسر ڈاکٹر بشریٰ مرزا تھیں۔ وائس چانسلر نے طالبات کے آرٹ ورک کو بہت سراہا۔تقریب کے اختتام پر کوئز مقابلہ بھی منعقد ہوا۔ اس موقع پر شعبہ باٹنی کی پروفیسر ڈاکٹر زبیدہ بھی موجود تھیں۔بعدازاں جیتنے والی طالبات میں انعامات بھی تقسیم کیے گئے۔