بابر اعظم شادی شدہ نہیں ‘شاداب  خان نے ڈینی موریسن کو بتا دیا 

لاہور(سپورٹس رپورٹر )ہر مرتبہ کی طرح اس بار بھی پاکستان سپر لیگ میں کھلاڑیوں کے درمیان دلچسپ اور خوشگوار چیزیں دیکھنے میں آ رہی ہیں۔کراچی میں ہونے والے اسلام آباد یونائیٹڈ اور پشاور زلمی کے میچ کے ٹاس کے موقع پر بھی دونوں ٹیموں کے کپتانوں اور کمنٹیٹر ڈینی موریسن کے درمیان دلچسپ گفتگو ہوئی۔میچ کیلئے ہونے والے ٹاس کے موقع پر ڈینی موریسن نے کپتانوں کا تعارف کراتے ہوئے شاداب خا ن کیلئے کہا کہ یہ شادی شدہ بھی ہیں۔اس کے بعد ڈینی موریسن نے جیسے ہی بابر اعظم کا نام لیا تو انہوں نے اور شاداب خان نے مسکرانا شروع کردیا۔اس موقع پر شاداب خان نے بابر اعظم کیلئے فورا کہا کہ یہ شادی شدہ نہیں ہے۔