ملتان ( وقائع نگار خصوصی ) تحریک پاکستان کے رہنما سردار عبد الرب نشتر کی بھتیجی و بہو میڈم فریدہ نشتر نے گزشتہ روز نشتر میڈیکل یونیورسٹی کا دورہ کیا اور وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد سے ان کے آفس میں ملاقات کی۔ دوران ملاقات باہمی دلچسپی، پیشہ ورانہ اور نشتر میڈیکل یونیورسٹی سے متعلقہ مختلفامور بارے تفصیلی تبادلہ خیال کیا گیا بعدازاں میڈم فریدہ نشتر نے پروفیسر ڈاکٹر رانا الطاف احمد کے ہمراہ نشتر میڈیکل یونیورسٹی کے مختلف شعبوں کا دورہ بھی کیا۔ اس دوران انہوں نے نشتر میڈیکل یونیورسٹی میں جاری تعلیمی وتدریسی سرگرمیوں سمیت ترقیاتی کاموں پر اظہار مسرت کرتے ہوئے پروفیسر ڈاکٹر رانا الطاف احمد کی کاوشوں کو سراہا۔ میڈم فریدہ نشتر کو وائس چانسلرکی جانب سے اعزازی شیلڈ بھی پیش کی گئی۔