روہڑی کے قریب ٹرالر میں آگ لگ گئی، ڈرائیور محفوظ

روہڑی (نامہ نگار)روہڑی کے قریب ٹرالر میں آگ لگ گئی ، ہزاروں روپے مالیت کے پرانے کپڑے اوردیگر سامان جل گیا ،فائر بریگیڈ گاڑیوں نے پہنچ کر آگ پر قابو پالیا۔ تفصیلات کے مطابق روہڑی کے قریب قومی شاہراہ پر غلام بند کے مقام پر کراچی سے لاہور جانے والے پرانے کپڑوں اور دیگر سامان سے بھرے ٹرالر میں اچانک آگ بھڑک اٹھی جس نے دیکھتے ہی دیکھتے پورے ٹرالر کو اپنی لپیٹ میں لے لیا، آگ لگنے کی اطلاع فوری طورپر فائر بریگیڈ عملے کو دی مگر اطلاع کے باوجود فائر بریگیڈ عملہ تاخیر سے جائے وقوعہ پر پہنچا تاہم بڑی جدوجہد کے بعد آگ پر قابو پالیا گیا مگر اس کے باوجود ٹرالر میں رکھے ہوئے پرانے کپڑے اور دیگر سامان جل کر خاکستر ہوگیا واقعہ کے باعث قومی شاہراہ پرٹریفک کی آمدورفت بھی بڑی دیر تک معطل رہی۔