کراچی(اسٹاف رپورٹر )سربراہ پاکستان سنی تحریک محمد ثروت اعجاز قادری نے کہا ہے کہ شب برات پر پاکستان سنی تحریک کے تحت زائرین قبرستان کے استقبال کے لئے ملک بھر میں استقبالیہ کیمپ لگائے جائینگے ، کراچی سمیت ملک بھر کے قبرستانوں کی صفائی اور اسٹریٹ لائٹ لگائی جائیں ، ،جبکہ دودھ ،شربت ،چائے اورلنگر کی سبیلیںبھی لگائی جائیں گی ،شب برات کے حوالے سے ابھی تک تاحال اسٹریٹ لائٹس اور قبرستانوں کی صفائی کا کام متعلقہ اداروں کے تحت شروع نہیں کیا جاسکا ،متعلقہ ادارے اسٹریٹ لائٹس اور قبرستانوں کی صفائی و ستھرائی کو یقینی بنانے کیلئے اقدامات کریں ،ان خیالات کا اظہار انہوں سیکٹر کنوینر کے اجلاس سے خطاب کرتے ہوئے کیا ،ثروت اعجاز قادری نے کہا کہ کارکنان اپنی مدد آپ کے تحت قبرستانوں کے اندر اور باہر کی صفائی کیلئے آگے بڑھ کر کام کریں ،مطلقہ اداروں سے رابطے کرکے راستوں میں جمع سیوریج کے پانی کو ختم کرائیں ،انہوں نے کہا کہ شب برات پر قبرستان جانیوالے زائرین کی حفاظت کیلئے فول پروف سیکیورٹی کے انتظامات سخت کئے جائیں ،شب برا ت پر عوام اپنے پیاروں کی قبروں پر جاکر ان کی مغفرت کیلئے فاتحہ خوانی اور دعا کرتے ہیں ،جبکہ غلامان مصطفی ﷺ شب برات پر قبرستان جاکر سرکار دو عالم ﷺ کی سنت بھی ادا کرتے ہیں ،انہوں نے کہا کہ کروڑوں مسلمان شب برات پر اپنے پیاروں کی قبروں کی زیارت کرتے ہیں لہذا قبرستانوں کی صفائی ستھرائی اور روشنی کے انتظامات کو یقینی بنانے کیلئے ہر ممکن اقدامات کئے جائیں