ٹیکسلا: پولیس اہلکار کا خاتون کو تھپڑدھکا دے کر زمین پر گرا دیا ‘مریم نواز کی مذمت‘ وزیر اعلیٰ سے رابطہ

ٹیکسلا+لاہور(نیٹ نیوز+نوائے وقت رپورٹ) راولپنڈی کی تحصیل ٹیکسلا میں پولیس اہلکار نے زوردار تھپڑ مارکر بزرگ خاتون کو دھکا دے کر زمین پر گرادیا۔ پولیس نے بتایا کہ ملزم کی گرفتاری پر مزاحمت ہوئی۔ خاتون کو زور دار تھپڑ مارنے کی فوٹیج سامنے آ گئی۔ فوٹیج میں پولیس اہلکار کو بزرگ خاتون کو تھپڑ مارتے دیکھا جا سکتا ہے، پولیس اہلکار نے بزرگ خاتون کو تھپڑ مارا ساتھ ہی دھکا دے کر زمین پر گرا دیا۔مریم نواز نے ٹیکسلا میں بزرگ خاتون پر تشدد کی مذمت کی ہے۔ مریم نواز نے کہا کہ پنجاب اسمبلی اجلاس کے باعث واقعہ کی اطلاع ملی جس پر بے حد دکھ ہوا، اس طرح کی پولیس گردی کا رویہ کسی صورت برداشت نہیں۔ مریم نواز نے نگران وزیراعلیٰ محسن نقوی سے رابطہ کر کے فوری کارروائی کی درخواست کی۔