اوکاڑہ(نامہ نگار)اوکاڑہ معمولی تلخ کلامی کی رنجش ‘خاتون پر تیزاب کی بھری بوتل پھینک دی گئی۔ تیزاب پڑنے سے خاتون بری طرح جھلس گئی۔ جسے ہسپتال منتقل کر دیا گیا پولیس نے دو گھنٹوں میں ہی ملزم گرفتار کر لیا۔حامد شاہ کالونی کی رہائشی راشدہ زوجہ محمد رمضان کی 3 یوم قبل ایک خاتون پروین عرف بلی  سے معمولی تلخ کلامی ہوئی تھی جس کا پروین کو رنج تھا گزشتہ روز راشدہ پیدل بھٹہ خشت پر جارہی تھی کہ جیسے ہی وہ گلبرگ ٹائون کے قریب پہنچی تو پروین عرف بلی اپنے خاوند علی اکبر عرف ماہنی کے ہمراہ راستے میں منصوبہ بندی کر کے تھڑہ مارے بیٹھے تھے راشدہ کو دیکھتے ہی ملزم علی اکبر نے اپنی بیوی سے مل کر راشدہ کو تشدد کا نشانہ بنایا ملزم علی اکبر اسے زمین پر گھسیٹتا رہا راشدہ کے مزاحمت کر نے پر ملزم علی اکبر نے اس پر تیزاب سے بھری بوتل پھینک دی جس سے راشدہ کا چہرہ بری طرح جھلس گیا تیزاب سے جسم کے کچھ حصے بھی متاثر ہو گئے ‘متاثرہ خاتون کے خاوندمحمد رمضان کی درخواست پر مختلف دفعات کے تحت مقدمہ نمبر469/2024 درج کرلیا ہے ۔