لیڈنگ سکورر بننے کا ہدف ‘ ٹیم کیلئے مفید رنز بنانا ہیں: سلمان علی آغا

لاہور(سپورٹس رپورٹر)اسلام آباد یونائیٹڈ کے آل راؤنڈر سلمان علی آغا نے کہا ہے کہ ذہن میں لیڈنگ سکورر بننے کا ہدف ہے لیکن اہم ٹیم کیلئے مفید رنز بنانا ہیں۔ جس طرح آغاز ہوا ہے کوشش کروں گا کہ پورا ٹورنامنٹ ایسا رہے۔  ہدف یہی تھا کہ اب پی ایس ایل میں کم بیک ہو تو پھر ڈراپ نہ ہوں۔ روٹی گینگ کا حصہ تو ایشیا کپ میں ہی بن چکا تھا، کھانے پینے کیساتھ ساتھ حریف ٹیموں کے میچز بھی دیکھتے ہیں۔خواہش ہے کہ پی ایس ایل وننگ سکواڈ کا حصہ رہوں، ایونٹ کا لیڈننگ رن سکورر بننا  خواہش ہے۔ اب تینوں فارمیٹ میں فرق نہیں رہا، ٹیسٹ میں بھی چار کا رن ریٹ ہوتا ہے۔  ٹیسٹ اور محدود اوورز میں بس گیند اور کٹ کے رنگ کا فرق لگتا ہے۔ ذاتی طور پر بیز بال سٹائل کی کرکٹ کو پسند کرتا ہوں۔ میں بیٹنگ آرڈر میں کسی بھی نمبر کیلئے تیار ہوں۔ فوکس پی ایس ایل پر ہے لیکن ذہن میں ٹی ٹونٹی ٹیم میں جگہ بنانے کا ہدف بھی ہے۔