سلمان فاروقی کی خودنوشت کی تقریب رونمائی ،شکیل درانی،راشد امجد کا اظہارتاثر 

لاہور(نیوز رپورٹر) لاہور آرٹس کونسل الحمراء میں جاری لاہور لٹریر ی فیسٹیول کے دوسرے روز ایک اہم نشست میں مشہور ومعروف آرٹسٹ سلمان فاروقی کی خودنوشت کی تقریب رونمائی ہوئی۔نشست میں سابق چیئرمین واپڈا شکیل درانی اور نامور کالم نگار راشد امجد نے اپنے تاثرات کا اظہار کیا۔ راشد امجد نے سلمان فاروقی کی اچیوئمنٹ پر کہا وہ جدوجہد کا استعارہ ہیں۔کراچی سکول آف آرٹ سے تعلیم حاصل کی۔انکے کام میں حقیقت پسندی اور جدیدیت کا رنگ نمایاں ہے۔ منظر نگاری میں تاثر پرستی کا اظہار انھیں اپنے فن میں ممتاز کرتا ہے۔ سابق چیئرمین واپڈا شکیل درانی نے سلمان فاروقی کی پیشہ وارانہ صلاحیتوں کو عیاں کیا۔ سلمان فاروقی کی ریٹائرمنٹ کے بعد کی زندگی اور مصروفیت کی معلومات بھی جاننے والے کے گوش گزار کی۔ ڈی جی والڈسٹی کامران لاشاری،نامور آرٹسٹ ذوالفقار علی زلفی و دیگر اہم شخصیات بھی تقریب میں موجود تھیں جنہوں نے پنلسٹ کی گفتگو کو پسند کیا۔