نیوزی لینڈ کو اس وقت سیریزمیں صفر ایک کی برتری حاصل ہے، اس نے پہلے ون ڈے میں پاکستان کو ایک آسان مقابلے کے بعد نو وکٹوں سے شکست دی تھی۔ اس سلسلے میں کپتان شاہد آفریدی نے کہا کہ سیریز میں کم بیک کرنے کے لئے ہر کھلاڑی کو اپنے اندر احساس ذمہ داری پیدا کرنا ہوگا۔ انہوں نے کہا کہ پہلے ایک روزہ میچ کے لئے بنائی گئی وکٹ بری نہیں تھی تاہم قومی بلے بازوں نے جلد بازی میں آکر غیر ضروری شارٹ کھیلیں جس کی وجہ سے پاکستان کو شکست کا سامنا کرنا پڑا۔ دوسری طرف نیوزی لینڈ کرکٹ ٹیم کے کپتان ڈینیئل ویٹوری کا کہنا ہے کہ پہلے ایک روزہ میچ میں کامیابی ٹیم کی اجتماعی کوششوں کا نتیجہ ہے، اسی کارکردگی کو آئندہ میچوں میں بھی برقراررکھیں گے۔