غزہ: اسرائیلی فوج کی فائرنگ، فلسطینی نوجوان جاں بحق، دوسرا زخمی

غزہ (اے ایف پی) اسرائیلی فوج نے بارڈر کے قریب فائرنگ کر کے ایک فلسطینی نوجوان کو جاں بحق جبکہ دوسرے کو شدید زخمی کر دیا۔ فرانسیسی نیوز ایجنسی کے مطابق 20سالہ نوجوان بلال سمیر اسرائیلی فوج کی طرف سے کی گئی فائرنگ سے سینے میں لگنے والی گولی کی وجہ سے جاں بحق ہوا۔ ترجمان حماس کے مطابق ایک نوجوان زخمی ہوا۔ اسرائیل فوج کی طرف سے کوئی بیان جاری نہیں کیا گیا۔