لاہور(سٹاف رپورٹر) سبزہ زار کے علاقہ میں اورنج لائن ٹریک پر کام کے دوران کرین تلے آکر ایک 60 سالہ شخص جاں بحق ہوگیا۔ متوفی کی تاحال شناخت نہیں ہو سکی۔ پولیس نے کرین کے ڈرائیور کو گرفتار کرتے ہوئے قانونی کارروائی شروع کردی ہے۔ معلوم ہو اہے کہ تھانہ سبزہ زار کے علاقہ ٹوکے والی پلی کے قریب اورنج لائن کے ٹریک پر تعمیراتی کام جاری تھا کہ اس دوان کرین ڈرائیور وقاص کی غفلت کے باعث نامعلوم 60 سالہ شخص کرین تلے آگیا اور موقع پر دم توڑ گیا۔ اطلاع ملنے پر پولیس کی بھاری نفری موقع پر پہنچ گئی۔ پولیس کے مطابق متوفی کی شناخت کے لئے کوششیں جاری ہیں تاحال ورثاء کے متعلق معلوم نہیں ہو سکا۔