سکاٹ لینڈ: مسلمان ماں، بیٹی پہلی باحجاب پولیس اہلکار بننے کیلئے تیار

لندن/ ملتان (آن لائن) سکاٹ لینڈ کی مسلمان ماں اور بیٹی سکاٹش پولیس کی پہلی باحجاب پولیس اہلکار بننے جارہی ہیں۔ شفقت اور الینہ رفیع پولیس میں بھرتی کا عمل مکمل کرنے کے بعد پولیس کی پہلی باحجاب خواتین اہلکار بن جائیں گی۔ واضح رہے گذشتہ برس سکاٹش پولیس میں حجاب پہننے والی خواتین کو شامل کرنے کا اعلان کیا گیا تھا۔ پولیس چیف کا کہنا ہے کہ باحجاب خواتین کے پولیس فورس میں آنے سے پولیس میں مختلف اقوام کی نمائندگی ہوگی جو کہ ادارے کی کارکردگی کے لیے بہتر ثابت ہوگی۔