”دلی والی گرل فرینڈ“ مشرف کے رقص کی ایک اور ویڈیو منظرعام پر آگئی

لندن (آئی این پی) سابق صدر پرویز مشرف کے رقص کی ایک اور ویڈیو منظرعام پرآگئی جس میں وہ ”دلی والی گرل فرینڈ“ کے گانے پر ڈانس کرتے ہوئے دکھائی دیتے ہیں۔ میڈیا رپورٹس کے مطابق سابق صدر پرویزمشرف جو کمر کی تکلیف کا شکار ہیں کی ایک ڈسکو میں رقص کرتے ہوئے ویڈیو سوشل میڈیا پر وائرل ہو گئی ہے۔ ویڈیو میں دیکھا جا سکتا ہے کہ ڈسکو لائٹس کی موجودگی میں سابق صدر بھارتی فلم کے گانے ”دلی والی گرل فرینڈ“ پر ایک نوجوان لڑکی کے ساتھ رقص کر رہے ہیں۔ گزشتہ سال پرویز مشرف کی ایک ویڈیو سوشل میڈیا پر خوب وائرل ہوئی تھی جس میں انہیں ایک شادی کی تقریب میں اپنی اہلیہ کے ہمراہ محو رقص دیکھا گیا۔