فیروز وٹواں: بیوی کے منہ پر تیزاب پھینکنے والا گرفتار

شیخوپورہ (نمائندہ خصوصی+نمائندہ نوائے وقت) تھانہ بھکھی کے علاقے فیروزوٹواں میں بلا ل نے اپنی بیوی امت السلام کے منہ پر تیزاب پھینک کر فرار ہو گیا۔ تفصیل کے مطابق بلال کے امت السلام کے ساتھ تیسری اور امت السلام کی دوسری شادی تھی۔ امت اسلام کے پہلے خاوند سے چار بچے ہیں جس سے اس نے طلاق لے کر بلال سے دوسری شادی کی تھی۔ امت السلام بی بی کے میکے والے اس کو بلال سے طلاق دلوا کر دوبارہ پہلے خاوند کے ساتھ رجوع کرنے پر آمادہ کر تے تھے۔ جس پر بلا ل اور امت السلام کی اکثر نوک جھوک چلتی رہتی تھی۔ اس لیے گزشتہ رات گلی میں دونوں کی لڑائی ہو گئی، بلال نے امت السلام کے منہ پر تیزاب پھینک دیا اور فرار ہو گیا۔ اطلاع ملنے پر بھکھی پولیس نے موقع پر پہنچ کر زخمی بی بی کو ڈسٹرکٹ ہیڈ کوارٹر ہسپتال شیخوپورہ منتقل کروایا ۔ ڈی پی او شیخوپورہ سرفرا ز خان ورک نے ملزمان کو فوری گرفتار کرنے کا حکم دیا۔ جس پر اے ایس پی صدر ڈاکٹر عبدالخلیق اور بھکھی پولیس نے مختلف مقامات پر ریڈ کر کے ملزم بلا ل کو گرفتار کر لیا۔