چھتیس گڑھ: مائو علیحدگی پسندوں کا حملہ‘4 بھارتی پولیس اہلکار ہلاک‘7 زخمی

نئی دہلی (اے ایف پی) بھارتی ریاست چھتیس گڑھ کے ضلع نریان پور کے جنگلات میں مائو علیحدگی پسندوں نے حملہ کرتے ہوئے 4 پولیس اہلکار ہلاک اور 7 زخمی کر دیے۔ نکسل علیحدگی پسند کئی دہائیوں سے علیحدہ وطن کے قیام کے لیے مسلح جدوجہد کر رہے ہیں۔ ضلعی پولیس چیف جتندرہ شکلا نے میڈیا کو بتایا علیحدگی پسندں نے گاڑیوں پر گشت کرنے والی ٹیم کو نشانہ بنایا۔ زخمیوں کو ہسپتال منتقل کر دیا گیا۔ گزشتہ برس ایسے حملے میں 24 اہلکار مارے گئے۔