ڈپٹی انسپکٹر عبدالرئوف رانا کا دورہ ڈسٹرکٹ جیل مظفرگڑھ ، بیرکوں اور کچن کا معائنہ

مظفرگڑھ(نامہ نگار)ڈپٹی انسپکٹر جنرل جیل خانہ جات، فیصل آباد عبدالرئوف رانا نے ڈسٹرکٹ جیل، مظفرگڑھ کی سالانہ انسپکشن کے سلسلہ میں دورہ کیا۔ اس موقع پر سپرنٹنڈ نٹ جیل اطہر جان ڈار ، ڈپٹی سپرنٹنڈنٹ جیل محمد نازک شہزاد اور دیگر آفیسران ڈسٹرکٹ جیل،مظفرگڑھ بھی ان کے ہمراہ تھے۔ڈپٹی انسپکٹر جنرل نے پریڈ/کٹ پریڈ کا معائنہ کیا ، اندرون جیل کچن اسیران کا معائنہ کیا۔ اسیران کی خوراک کا معیار مثالی ہونے پر جیل انتظامیہ کی کاوشوں کو سراہا۔ تمام بیرکوں کا معائنہ کیا ۔ جیل ہذا پر زیر تعمیر ترقیاتی سکیموں کی بابت ایگزیکٹو انجینئر پراونشل بلڈنگز ڈویژن مظفرگڑھ نے ڈپٹی انسپکٹر جنرل کو بریفنگ دی۔ ڈپٹی انسپکٹرجنرل نے ترقیاتی سکیموں کو معینہ مدت میں مکمل کرنے کی بابت ہدایات جاری کیں ۔