لاہور(سپورٹس رپورٹر+نمائندہ سپورٹس )لاہور میں ہونیوالی 56ویں قومی بیڈمنٹن چیمپئن شپ کیلئے سندھ کی مینز اور ویمنز ٹیم کا اعلان کردیا گیا۔ ٹرائلز میں صوبے بھر سے 58مرد و خواتین کھلاڑیوں نے شرکت کی۔چار رکنی سلیکشن کمیٹی، ڈاکٹر سید محمد صاعد، سید اویس الحسن، فرناز اقبال اور خواجہ اقبال پر مشتمل تھی ۔ مردوں کی ٹیم میں عمران علی، معاذ علی، فہد عباسی، شہود خالد، طارق لطیف، شامیر ناصر، حیسیم اقبال اور عباد احمدشامل ہیں، جبکہ خواتین کی ٹیم سارہ آفتاب، سماآصف اور اقرارحمن پر مشتمل ہے۔ دونوں ٹیمیں انفرادی اور ٹیم ایونٹ میں شرکت کرینگی۔ سندھ بیڈمنٹن ایسوسی ایشن کے جنرل سیکرٹری افتخار حسین نے ڈاکٹر سید محمد صائد کو ٹیم کا منیجر مقرر کیا ہے۔