نئی دہلی (نوائے وقت رپورٹ) بھارتی یوم جمہوریہ سے دو دن پہلے دہلی میں پاکستان زندہ باد کے نعرے لگ گئے۔ 6 افراد کو گرفتار کر لیا گیا۔خان مارکیٹ کا میٹرو سٹیشن ’’پاکستان زندہ باد‘‘ کے نعروں سے گونج اٹھا۔ چند نوجوان چھوٹی بائیکس پر آئے اور نعرے لگا کر چلے گئے جس کے بعد پولیس میں کھلبلی مچ گئی۔ 6 افراد کو گرفتار کر لیا گیا۔ پولیس کا کہنا ہے کہ گرفتار افراد میں تین لڑکیاں بھی شامل ہیں۔ پولیس نے ان کے گھروالوں سے بھی تحقیقات شروع کر دی ہے۔