لاہور(سپورٹس رپورٹر) پاکستان باکسنگ فیڈریشن کی متوازی تنظیم کا بھی قیام عمل میں آ گیا۔ لاہور کے ایک مقامی ہوٹل میں ہونے والے اجلاس میں جہانگیر ریاض صدر جبکہ شرجیل بٹ سیکرٹری جنرل کے عہدہ پر منتخب ہو گئے۔ جہانگیر ریاض کا کہنا تھا پاکستان باکسنگ فیڈریشن کے آئین میں چیئرمین کی کوئی گنجائش نہیں۔ جلد باکسنگ کی ورلڈ باڈی کیساتھ رابطہ کرینگے اور تمام حالات کے متعلق انہیں آگاہ کرینگے۔