قائدِ اعظم یونیورسٹی میں منشیات سپلائی کرنے والا ملزم گرفتار 

راولپنڈی (سٹاف رپورٹر) اے این ایف کا تعلیمی اداروں کے طلبا کو منشیات جیسا زہر فراہم کرنے والے عناصر کیخلاف گھیرا تنگ کردیا گیا،قائدِ اعظم یونیورسٹی اسلام آباد میں منشیات سپلائی کرنے والا ملزم گرفتار کر لیا گیا،کوہاٹ کے رہائشی جہانگیر نامی ملزم کے قبضے سے منشیات برآمد کر لی گئی۔ملزم کے قبضے سے 3.780 کلوگرام چرس اور 506 گرام آئس برآمد ہوئی ،ملزم سے 1260 گرام چرس کے تین پیکٹ برآمد ہوئے۔ملزم نے برآمدشدہ آئس لنچ باکس میں چھپا رکھی تھی۔ملزم کو گرلز ہاسٹل کے قریب سے حراست میں لیا گیا۔