علیزے شاہ کوآئٹم سانگ کی پیشکش

کراچی(پی پی آئی)پاکستانی ڈرامہ انڈسٹری کی نامور اداکارہ علیزے شاہ جنہیں ان کے لباس اور انداز کی وجہ سے کافی تقنید کا سامنا رہتا ہے۔ اپنے ایک انٹرویو کے دوران بتایا کہ حال ہی میں ان کی ایک ویڈیو سوشل میڈیا پر لیک ہونے کے بعد انہیں آئٹم سانگ کی پیشکش بھی ہوئی  ہے۔ اداکارہ علیزے شاہ کا کہنا ہے کہ میں ابھی صرف 19 سال کی ہوں اور میں سماجی رابطوں سے پرہیز ہی کرتی ہوں کیونکہ میری زبان  اور میرے الفاظ ایک دوسرے کا ساتھ نہیں دیتے ہیں۔ اداکارہ نے بتایا کہ مجھے اب تک متعدد مرتبہ تنقید کا نشانہ بنایا جاچکا ہے لیکن میں سمجھتی ہوں کہ ان سب پر خاموش رہنا زیادہ بہتر ہے کیونکہ لوگ 2 دن میں معاملات بھول جاتے ہیں۔