55 سے زائد وارداتوں میں ملوث  بچھو گینگ کا سرغنہ مدثر ساتھیوں کی فائرنگ سے ہلاک 

لاہور ( نمائندہ خصوصی)ڈیفنس سی میں  55 سے زائد وارداتوں میں ریکارڈ یافتہ بچھو گینگ کا سرغنہ مدثر عرف بچھو اپنے ہی ساتھیوں کی فائرنگ سے ہلاک ہو گیا۔ دو موٹر سائیکلوں پر سوار چار ڈاکوؤں نے برکی کے علاقے میں واردات کی، ڈاکوؤں کی گرفتاری کے لیے کینٹ ڈویژن میں ناکہ بندی کی گئی تھی۔ پولیس کو دیکھتے ہی ڈاکوؤں نے پولیس کی گاڑی پر فائرنگ کر دی۔ ڈاکوؤں کی اندھا دھند فائرنگ سے انکا اپنا ایک ساتھی ہلاک ہو گیا۔ دوسری بائیک پر سوار دونوں ڈاکو  اور تیسرا ساتھی دھند کا فائدہ اٹھاتے ہو پیدل فرار ہو گئے۔ ہلاک ڈاکو کی شناخت مدثر عرف بچھو کے نام سے ہوئی ہے جو کہ لاہور اور قصور  پولیس کو مطلوب تھا۔  مدثر عرف بچھو نے 2017 میں نشتر کے علاقے میں دوران مزاحمت کانسٹیبل محمد اعظم کو شہید بھی کیا تھا۔