لاہور:(سپورٹس رپورٹر) 20-K کپ ٹی ٹونٹی ٹورنامنٹ کے تیسرے کوارٹر فائنل میں ماڈل ٹاؤن کلب نے شاہ کمال کلب کو 9 وکٹوں سے شکست دے کر سیمی فائنل میں سیٹ پکی کرلی۔شاہ کمال کلب نے 19.3 اوورز میں 131 رنز بنائے۔ ماڈل ٹاؤن کلب نے ہدف 16 اوورز میں صرف ایک وکٹ پر حاصل کر لیا۔ لدھیانہ جمخانہ بھی 20-K کپ کے سیمی فائنل کیلئے کوالیفائی کر گئی۔ لدھیانہ جم خانہ نے علی گڑھ کلب کو 7 وکٹوں سے شکست دے کر سیمی فائنل کیلئے کوالیفائی کر لیا۔ علی گڑھ کلب نے 160 رنز بنائے۔ لدھیانہ جم خانہ نے ہدف 18.5 اوورز میں تین وکٹوں پر حاصل کر لیا۔