اسلام آباد(نا مہ نگار)ترجمان کراچی الیکٹرک نے کہا ہے کہ سپلائی کمپنی کے الیکٹرک کے تمام رہائشی اور کمرشل فیڈرز کو بجلی کی فراہمی معمول پر آچکی ہے، ترجمان کے الیکٹرک نے کہا کہ اہم تنصیبات بشمول واٹر پمپنگ اسٹیشنز، ایئرپورٹ، ہسپتال وغیرہ پر بجلی کی فراہمی پہلے ہی بحال کی جا چکی تھی۔ صنعتی فیڈرز کی بتدریج بحالی بھی جاری ہے، جس میں کچھ وقت درکار ہے،  علاقائی سطح پر مقامی فالٹس سپلائی میں رکاوٹ بن سکتے ہیں ۔بجلی سپلائی کے حوالے سے مدد کے لئے کے الیکٹرک کے118 کال سینٹر، 8119 ایس ایم ایس، اور سوشل میڈیا کے ذریعے رابطہ قائم کیا جاسکتا ہے۔