گوجرانوالہ: دو گروپوں میں تصادم،مشتعل افرادکی پولیس سے مزاحمت،16گرفتار

گوجرانوالہ (نمائندہ خصوصی ) واہنڈو کے علاقہ میں لین دین کے تنازعہ پر دو گروپوں کے درمیان تلخ کلامی کے بعد جھگڑا ہو گیا تو اس دوران دونوں جانب سے تین افرادکو یرغمال بنا لیا گیا ، تاہم   پو لیس نے موقع پر پہنچ کر یرغمالیوں کو بازیاب کرایا تو مشتعل افراد نے پو لیس اہلکاروں  پر حملہ کردیا اوتراندھا دھند ہوائی فائرنگ کی جس سے علاقہ بھر میں خوف وہراس پھیل گیا ،سی پی او عمر سلامت نے واقعہ کا فوری نوٹس لیتے ہوئے ایس ایس پی آپریشنز حسن افضل اور ایس پی صدر وقار عظیم پر مشتمل ٹیم تشکیل دی ،پولیس نے کاروائی عمل میں لیتے ہوئے مجموعی طور پر 16 افراد کو حراست میں لیکر انکے قبضہ سے اسلحہ بر آمد کر لیا ، جبکہ دیگر ملزموں کی گرفتاری کیلئے چھاپہ مار کاروائیاں جاری ہیں ،واہنڈو پو لیس نے ملزمان کیخلاف مقدمہ درج کر لیا ۔